Gujarat

હિન્દ ટીવી -ગુજરાતી, દાહોદ      દાહોદ જિલ્લા પ્રભારી સચિવ વિજય ખરાડીના અધ્યક્ષ સ્થાને જિલ્લા સેવા સદન, ખાતે દાહોદ જિલ્લાના મહત્વના મુદ્દાઓ અંગે સમીક્ષા બેઠક યોજવામાં આવી હતી. આ દરમ્યાન કલેકટરસુશ્રી સુરભી ગૌતમ, જિલ્લા વિકાસ અધિકારી સ્મિત લોઢા તેમજ પ્રાયોજના વહીવટદાર પ્રતિક જૈન ઉપસ્થિત રહ્યા હતા.       આ બેઠક દરમ્યાન નાયબ જિલ્લા વિકાસ અધિકારી પથિક દવેએ વિવિધ વિભાગીય કામગીરી અંગે પીપીટી થકી વિસ્તાર પૂર્વક માહિતી રજુ કરી હતી. જેમાં દાહોદ જિલ્લાના ઈન્ડીકેટર્સના મુદ્દા પણ રજુ કરવામાં આવ્યા હતા. આ અંગે જિલ્લા વિકાસ અધિકારી સ્મિત લોઢાએ વિભાગ વાઈઝ કામગીરી અંગે મહત્વની જાણકારી આપી હતી.       સર્વેમાં મળેલ પ્રાથમિક માહિતી તેમજ પાણી, રસ્તા, માઈગ્રેશન જેવા પ્રજાકીય પ્રશ્નો સહિત આરોગ્ય, શિક્ષણ, વાસ્મો, એમજીવીસીએલ, પુરવઠા, આઈસીડીએસ તેમજ બેંક જેવા અગત્યના વિભાગોની કામગીરી અંગે તેમજ આયોજન હેઠળ આવત...

હિન્દ ટીવી - ગુજરાતી, સુરત      સમાજના છેવાડાના અને જરૂરિયાતમંદ વર્ગ સુધી સરકારી યોજનાઓના લાભો પહોંચાડવાના આશય સાથે માંડવી સ્થિત સાંસદ કાર્યાલય ખાતે સેવા કાર્યક્રમ યોજાયો હતો. સાંસદશ્રી પ્રભુભાઈ વસાવાની સાંસદ ગ્રાન્ટ અંતર્ગત દિવ્યાંગજન કલ્યાણના હેતુસર દિવ્યાંગ લાભાર્થી હિતેષભાઈ મોહનભાઈ ચૌધરીને ઇલેક્ટ્રિક મોપેડ અર્પણ કરવામાં આવી હતી.            આ આધુનિક ઇલેક્ટ્રિક મોપેડની સહાય મળવાથી લાભાર્થીને પોતાના રોજિંદા જીવનમાં અવરજવર માટે અન્ય પર નિર્ભર રહેવું નહીં પડે અને તેમની સફર વધુ સરળ બનશે. આ સહાય દિવ્યાંગ લાભાર્થીને આત્મનિર્ભરતા અને સ્વાવલંબન તરફ આગળ વધવામાં ખૂબ જ મદદરૂપ સાબિત થશે. સમાજના દરેક વર્ગ સુધી કલ્યાણકારી યોજનાઓ પહોંચે અને દિવ્યાંગજનો પણ સંપૂર્ણ આત્મવિશ્વાસ સાથે સમાજના મુખ્ય પ્રવાહમાં આગળ વધી શકે તેવા ઉદ્દેશ સાથે આ સહાયનું વિતરણ કરવામાં આવ્યું હતું.            સાંસદ પ્રભુભાઈ ...

હિન્દ ટીવી -ગુજરાતી, રાજકોટ         જ્યુબિલી ગાર્ડન, રાજકોટ સ્થિત વોટ્સન મ્યુઝિયમ મોહેંજો-દરો, કોતરણીઓ તેમજ મંદિરની મૂર્તિઓ, પરંપરાગત પહેરવેશ અને જૂના મકાનોની ડિઝાઈનની નકલ દર્શાવે છે. આ મ્યુઝિયમમાં પરંપરાગત, પુરાતત્વીય ચીજવસ્તુઓ અને સિક્કાઓનો ઉત્તમ સંગ્રહ છે. ઐતિહાસિક વોટ્સન મ્યુઝિયમ ખાતે વર્ષ 2025 અને એપ્રિલ 2026 સુધીમાં 34 હજાર લોકોએ મુલાકાત લઈ ભારતના સમૃદ્ધ ઇતિહાસ અને સાંસ્કૃતિક વારસાની અનુભૂતિ મેળવી....

હિન્દ ટીવી -ગુજરાતી, દાહોદ    રાજ્ય સરકાર દ્વારા IAS અધિકારીઓની બદલી અને નિમણૂંક સંદર્ભે જાહેર કરાયેલા તાજેતરના હુકમ મુજબ દાહોદ જિલ્લાના નવા કલેક્ટર તરીકે સુ સુરભી ગૌતમ (IAS)ની નિમણૂંક કરવામાં આવી છે. તેઓશ્રીએ આજરોજ દાહોદ જિલ્લા કલેક્ટર તરીકેનો વિધિવત્ત ચાર્જ સંભાળ્યો છે. સુશ્રી સુરભી ગૌતમ અગાઉ વડોદરા નગરપાલિકાઓના પ્રાદેશિક કમિશનર તરીકે ફરજ બજાવી રહ્યા હતા.વહીવટી ક્ષેત્રેનો તેમનો અનુભવ અને શહેરી વિકાસ ક્ષેત્રેનું કાર્ય નોંધપાત્ર રહ્યું છે. રાજ્ય સરકાર દ્વારા હવે તેમને દાહોદ જિલ્લાના કલેક્ટર તરીકે મહત્વપૂર્ણ જવાબદારી સોંપવામાં આવી છે. દાહોદ જિલ્લો મહત્વકાંક્ષી જિલ્લો હોવાથી બહુલ આદિવાસી અને વિકાસલક્ષી યોજનાઓ માટે અગત્યનો જિલ્લો ગણાય છે.  જિલ્લા વહીવટી તંત્રના અધિકારીઓ અને કર્મચારીઓએ નવા કલેક્ટર સુ સુરભી ગૌતમનું સ્વાગત કર્યું હતું. સુ સુરભી ગૌતમના નેતૃત્વ હેઠળ જિલ્લામાં સુશાસન, જ...

હિન્દ ટીવી - ગુજરાતી, સુરત   રાજયમાં જિલ્લા કલેકટરોની બદલીઓ થઈ હતી. જેમાં સુરત જિલ્લા કલેકટરની બદલી થતા આજરોજ નવા કલેકટર તેજસ દિલીપભાઈ પરમારે વિધિવત રીતે ચાર્જ સંભાળ્યો છે.              આ અવસરે જિલ્લા કલેકટરએ જણાવ્યું હતું કે, સુરતએ દેશમાં સૌથી ઝડપથી વિકાસ પામતું શહેર છે. આગામી સમયમાં છેવાડાના માનવી સુધી સરકારની જનહિતલક્ષી યોજનાઓના લાભો પહોચે તે અમારી પ્રામથિકતા રહેશે. વધુમાં કહ્યું કે, અદના માનવીની મુશ્કેલીઓ દુર કરવા માટે કલેકટર તંત્ર હંમેશા સહયોગીની ભુમિકા ભજવશે.                   જિલ્લા કલેકટર તેજસ પરમારે બી.ટેક મિકેનીકલ એન્જીનિયરીંગની પદવી સુરતની એસ.વી.એન.આઈ.ટી ખાતેથી મેળવી હતી. તેઓ વર્ષ-૨૦૧૬ની બેચના આઈ.એ.એસ. ઓફિસર છે. તેઓ મુળ બનાસકાંઠા જિલ્લાના પાલનપુરના રહેવાસી છે. શરૂઆતમાં તેઓએ દાહોદ ખાતે એસ.ડી.એમ. તરીકે સેવા આપી હતી. ત્યારબાદ અમરેલી અને દાહોદ જિલ્લામાં જિલ્લા વિકાસ અધિકારી...

હિન્દ ટીવી -ગુજરાતી, પાલનપુર         ગુજરાતમાં રાજ્યના મુખ્યમંત્રી ભૂપેન્દ્ર પટેલે જનગણના ૨૦૨૭ અન્વયે આજથી શરૂ થયેલી સ્વ ગણતરીનો રાજ્ય વ્યાપી પ્રારંભ કરાવ્યો છે ત્યારે આજથી તા.31-05-2026 સુધીના નિર્ધારિત 15 દિવસમાં લોકો પોતાની જરૂરી વિગતો જાતે ઓનલાઇન ભરીને આ પ્રક્રિયામાં સહભાગી થઈ શકશે. રાજ્યના વન અને પર્યાવરણ, વાહનવ્યવહાર અને ક્લાયમેટ ચેન્જ રાજ્ય મંત્રી પ્રવીણભાઈ માળીએ આજે પોતાના નિવાસસ્થાન ડીસા ખાતેથી પોતાના પરિવારની વિગતો વસ્તી ગણતરી પ્લેટફોર્મ પર ઓનલાઈન ભરીને સ્વ-વસ્તી ગણતરીની શરૂઆત કરાવી હતી. આ પ્રસંગે તેમની સાથે અન્ય સહયોગીઓ તથા અધિકારીઓ પણ ઉપસ્થિત રહ્યા હતા. આ પ્રસંગે મંત્રી પ્રવીણભાઈ માળીએ જણાવ્યું હતું કે, સેલ્ફ એન્યુમરેશન અંતર્ગત નાગરિકો પોતે જ પોતાની અને પોતાના પરિવારની સચોટ વિગતો ઘરેબેઠા ઓનલાઇન માધ્યમથી નોંધાવી શકે છે, જે પારદર્શક અને સરળ પ્રક્રિયા છે. તેમણે રાજ્યના તમ...

હિન્દ ટીવી -ગુજરાતી, પોરબંદર       પોરબંદર જિલ્લાના ચોલિયાણા ગામના વતની ડાયાભાઈ ભોજાભાઈ ધોકિયા આજે ખેડૂતો માટે પ્રેરણાનું જીવંત ઉદાહરણ બન્યા છે. માત્ર આશરે ૫ વીઘા જમીન ધરાવતા આ ખેડૂતે પરંપરાગત ખેતીના ચીલાને તોડીને 'ઝીરો બજેટ' પ્રાકૃતિક ખેતીના માર્ગે જે સફળતા મેળવી છે, તે અત્યંત પ્રભાવશાળી પ્રેરણારૂપ છે. ડાયાભાઈ મૂળભૂત રીતે આણંદમાં ઓટોમોબાઈલના વ્યવસાય સાથે જોડાયેલા હતા. પરંતુ, ૨૦૧૯-૨૦માં જ્યારે સમગ્ર વિશ્વ કોવિડ-૧૯ની મહામારી સામે ઝઝૂમી રહ્યું હતું, ત્યારે લોકડાઉનના શાંત સમયમાં તેમને માનવ જીવન અને સ્વાસ્થ્યના મૂલ્યનો ખરો અહેસાસ થયો. આ જ સમયે તેમને વિચાર આવ્યો કે પોતાની જમીન હોવા છતાં કેમ તેનો યોગ્ય અને સ્વાસ્થ્યપ્રદ ઉપયોગ ન કરવો? તેમણે ગુજરાત રાજ્યના રાજ્યપાલ આચાર્ય દેવવ્રતજીના પ્રવચનો, સમાચાર પત્રો અને યુટ્યુબના માધ્યમથી પ્રાકૃતિક ખેતીના ફાયદાઓ વિશે ઊંડાણપૂર્વક જાણકારી મેળવી. પ્રકૃ...

હિન્દ ટીવી -ગુજરાતી, જામનગર     જામનગર જિલ્લા કલેક્ટર કચેરીના સભાખંડ ખાતે જિલ્લા કલેક્ટર પી.બી.પંડ્યાના અધ્યક્ષ સ્થાને જિલ્લા સંકલન અને ફરિયાદ સમિતિની બેઠક યોજાઈ હતી.આ બેઠકમાં ઉપસ્થિત ધારાસભ્યો સર્વ રાઘવજીભાઈ પટેલ, મેઘજીભાઈ ચાવડા અને હેમંતભાઈ ખવા દ્વારા રજૂ કરાયેલા લોકપ્રશ્નો અને વિવિધ વહીવટી રજૂઆતોને કલેક્ટરએ ગંભીરતાથી ધ્યાને લીધી હતી. અને સંબંધિત વિભાગના અધિકારીઓને આયોજનબદ્ધ અને ગતિશીલ કામગીરી હાથ ધરીને જનહિતના આ તમામ પ્રશ્નોનો સત્વરે નિકાલ કરવા તાકીદ કરી હતી. આ બેઠકમાં ધારાસભ્યોના અગાઉના પડતર પ્રશ્નો ઉપરાંત નાગરિકોની સુખાકારીને સ્પર્શતા વિવિધ વિભાગોના નવા પ્રશ્નો પર પણ વ્યાપક પરામર્શ કરવામાં આવ્યો હતો. જેમાં મુખ્યત્વે સ્ટેટ હાઈવે પર સોલાર લાઈટો અને રેડિયમ માર્કિંગ કરવા, સોલાર પ્રોજેક્ટ માટે નવું ટી.સી. આપવા, જમીન ધોવાણ થયેલ ખેડૂતોને સહાય ચૂકવવા, પીવાના પાણીની નવી ટાંકીઓ બનાવવા, ચે...

હિન્દ ટીવી - ગુજરાતી, સુરત      તમામ જિલ્લાઓમાં રાસાયણિક ખાતરો યુરિયા અને ડી.એ.પી.નો કાર્યક્ષમ અને કરકસરયુક્ત વપરાશ થાય તે માટે ખાસ એક મહિના માટે જનજાગૃતિ અભિયાનનો આજરોજ સુરત જિલ્લાના ૪૪ ગામોમાં પ્રારંભ કરવામાં આવ્યું છે. જેમાં વૈકલ્પિક ખાતરો જેવા કે, એસ.એસ.પી. ખાતરો, એન.પી. કે કોમ્પ્લેક્ષ ખાતરો, નેનો યુરિયા, નેનો ડી.એ.પી, બાયો ફર્ટીલાઈઝર્સ, સેન્દ્રીય ખાતરો, વર્મી કમ્પોસ્ટ, જીવામૃત, ધન જીવામૃતનો વધુ ઉપયોગ કરતા થાય તે માટે ખેડૂતોને જાગૃત કરવામાં આવશે. આ ખાસ અભિયાનમાં ખેડૂતો ફાર્મર રજીસ્ટ્રી, સોઈલ હેલ્પ કાર્ડ, PM કિસાન યોજના હેઠળ E-KYC પણ કરાવી શકશે.               ખરીફ- ૨૦૨૬ની સીઝન માટે ખાતરોની પર્યાપ્ત ઉપલબ્ધતા સુનિશ્ચિત કરવા અને તેના દુરુપયોગને અટકાવવા ભારત સરકારના નિર્દેશોનુસાર રાજય સરકાર દ્વારા ખાતરોના અસામાન્ય વેચાણ અને કાળાબજાર જેવી ગેરરીતિઓ ડામવા તેમજ ખેડૂતોમાં વૈકલ્પિક ખાતરો પ્...

હિન્દ ટીવી -ગુજરાતી, સુરત  સુરત જિલ્લા સંકલન અને ફરિયાદ સમિતિની બેઠક નિવાસી અધિક કલેકટર વિજય રબારીના અધ્યક્ષસ્થાને યોજાઈ હતી. જિલ્લા કલેકટર કચેરીના સભાખંડમાં યોજાયેલી બેઠકમાં નિવાસી અધિક કલેકટરએ પદાધિકારીઓ દ્વારા રજુ થયેલા પ્રશ્નો બાબતે ગંભીરતાપુર્વક ધ્યાને લઈને નિરાકરણ માટેની કાર્યવાહી હાથ ધરવા જણાવ્યું હતું. બેઠકમાં ધારાસભ્ય સંદિપ દેસાઈએ રજુઆત કરતા જણાવ્યું હતું કે, જીઆઈડીસીમાં ૨૦૨૧માં ભાટપોર ખાતે પોલીસ ભવનના નિર્માણ માટે જમીનની ફાળવણી કરવામાં આવી હતી. જેના નિર્માણ કાર્યનો ખર્ચ નિર્દિષ્ટ વિસ્તારના અનુદાનમાંથી કરવામાં આવશે. સુદ્દઢ કાયદો અને વ્યવસ્થા જાળવવા, સલામતી અને સુરક્ષાના કારણોસર આ ભાટપોર ખાતે નિર્માણ થનારા પોલીસ ભવનમાં નાયબ પો. કમિશનર, મદદનીશ પો.કમિશનર, નાયબ પો. કમિશનર - ટ્રાફિક, મદદનીશ પો. કમિશનર- ટ્રાફિક, પોલીસ ઇન્સ્પેકટર ટ્રાફિકની કચેરીનો સમાવેશ કરવાની રજુઆત કરી હતી. આ ...